મકાન માલિક વગેરેએ આખરે નજીકમાંજ ભાડા ના મકાનમાં રહેતી તસ્કર મહિલા ને શોધી કાઢતાં ચોરાઉ કપડા પરત કર્યા………
જામનગર શહેરના રામેશ્વરનગર નજીક વિનાયક પાર્ક – ગરબી ચોકમાં કપડા ચોરીની અનોખી ઘટના સામે આવી છે. જેમા સ્કૂટરમાં આવેલી સંસ્કારી યુવતિ શેરીમાં રેકી કર્યાં બાદ ધરની બહાર સૂકવેલા કપડાની ચોરી કરી પલાયન થઈ જતાં ભારે ચકચાર જાગી છે. જેની સમગ્ર ઘટના મકાનની બહાર લાગેલા સી.સી.ટી.વી. કેમેરા માં કેદ થતાં યુવતિ ભાઠે ભરાઈ છે. એને શોધી કાઢવામાં આવી છે અને તેણીએ આખરે કપડા પરત કર્યા છે.
જામનગર શહેરના રામેશ્વર નગર પાછળ આવેલા વિનાયક પાર્કમાં ગઈકાલ સમી સાંજે ચોરીની એક અનોખી ઘટના સામે આવી હતી. જેમાં સંસ્કારી યુવતી સ્કૂટર પર આવી શેરી માં રેકી કર્યાં બાદ ધરની બહાર સુકવેલા કપડાની ચોરી કરી ભાગવા જતાં પાડોશીઓએ બુમાબુમ કરવાથી યુવતિ પલાયન થઈ ગઈ હતી.
જે સમગ્ર ઘટના મકાનમાં લાગેલા સીસીટીવી કેમેરામાં કેદ થતાં ભારે ચકચાર જાગી હતી. તે બાદ મામલો પોલીસ મથકે લઈ જવાયો હતો.મોડી રાત્રે સંસ્કારી યુવતી ની ઓળખ થતાં અને કપડાચોર યુવતી પાસેની શેરીમાં ભાડે ના મકાનમાં રહેતી હોવાનું જાણવા મળતાં પાડોશી મહિલાઓ નું ટોળુ એકઠુ થઈ યુવતિના ઘરે પહોચ્યું હતું. જ્યાં આખરે યુવતિએ કપડા ચોરીની કબૂલાત કરી કપડા પરત કર્યા હતા, અને મકાન માલિકે મકાન ખાલી કરાવવાની બાહેધરી લેતાં તેની મધ્યસ્થીથી આખરે મામલો થાળે પડ્યો હતો. જોકે ઉપરોક્ત સંસ્કારી યુવતી ચોરી કરતી હોવાનો વિડિયો સોશિયલ મીડિયામાં વાયરલ થઇ રહ્યો છે, અને ભારે રમૂજી ફેલાઈ છે.
તસવીર: સૈયદ જેનુંલ
